അ വ ന വ നാ ത്മ സു ഖ ത്തി നാ ച രി ക്കു ന്ന വ...





Thursday, December 24, 2009

-പുത്തന്‍കാവ് മാത്തന്‍‌തരകന്‍ - പുല്‍‌ക്കൂട്ടിലെ രാജകുമാരന്‍





(കവിത കേൾക്കാം )

(കവിത വായിക്കുക)






 

പുത്തൻകാവ് മാത്തൻ തരകൻ(1903 സെപ്തംബർ 6 - 1993 ഏപ്രിൽ 5).

കവിയും ഗാനരചയിതാവും ഗദ്യകാരനുമായിരുന്നു .
പിതാവ് ചെങ്ങന്നൂരിനടുത്തുള്ള പുത്തൻകാവിൽ കിഴക്കേത്തലക്കൽ ഈപ്പൻ മത്തായി.മാതാവ്  മറിയാമ്മ. സ്കൂൾ ഫൈനൽ വരെയായിരുന്നു ഔപചാരിക വിദ്യാഭ്യാസമെങ്കിലും സ്വപ്രയത്നത്താൽ വിദ്വാൻ പരീക്ഷയും മലയാളം എം.എ പരീക്ഷയും എഴുതി ജയിച്ചു. സ്കൂൾ അദ്ധ്യാപകനായി ഔദ്യോഗിക ജീവിതം ആരംഭിച്ചു. 1952 മുതൽ പത്തനംതിട്ട കാതോലിക്കേറ്റ് കോളേജിൽ അദ്ധ്യാപകനായും മലയാളം വിഭാഗം മേധാവിയായും പ്രിൻസിപ്പലായും പ്രവർത്തിച്ചു. 1958-ൽ ഔദ്യോഗിക ജീവിതത്തിൽ നിന്ന് വിരമിച്ചു.

മദ്രാസ് - കേരള സർവ്വകലാശാലകളുടെ പരീക്ഷ ബോർഡ്, ബോർഡ് ഓഫ് സ്റ്റഡീസ് എന്നിവയിൽ അംഗമായും അദ്ധ്യക്ഷനായും പ്രവർത്തിച്ചു . 1960-64 കാലഘട്ടത്തിൽ സാഹിത്യഅക്കാദമി അംഗമായിരുന്നു.പത്രം, സ്കൗട്ട് എന്നീ രംഗങ്ങളിലും ഇദ്ദേഹം പ്രവർത്തിച്ചിരുന്നു.
കവിത, നിരൂപണം, ഉപന്യാസം, നോവൽ, ജീവചരിത്രം തുടങ്ങി വിവിധ സാഹിത്യ മേഖലകളിലായി നിരവധി കൃതികൾ ഇദ്ദേഹം രചിച്ചിട്ടുണ്ട്. ഭാഷാപ്രയോഗത്തിൽ വലിയ നിഷ്ഠ പുലർത്തുന്ന മാത്തൻ തരകൻ സംസ്കൃതവൃത്തങ്ങളിലും ദ്രാവിഡവൃത്തങ്ങളിലും കവിതയെഴുതിയിട്ടുണ്ട്.
കൃതികൾ
 വിശ്വദീപം(മഹാകാവ്യം),കാവ്യസങ്കീർത്തനം, കൈരളി ലീല, ഹേരോദാവ്, വേദാന്തമുരളി, വികാരമുകുളം, ഉദയതാരം, കേരളഗാനം, ഉദ്യാനപാലകൻ, കാവ്യതാരകം, ആര്യഭാരതം, തോണിക്കാരൻ, വസന്ത സൗരഭം (കവിതാസമാഹാരങ്ങൾ) . ഇണങ്ങാത്ത മനുഷ്യൻ, ജീവിതാമൃതം, മധുബാലിക ( നോവലുകൾ )പൗരസ്ത്യ നാടകദർശനം, സാഹിത്യവിഹാരം, സാഹിത്യവേദി, സാഹിത്യസോപാനം (ഉപന്യാസങ്ങൾ).

ബഹുമതികൾ: സാഹിത്യതാര അവാർഡ്

Friday, December 18, 2009

Saturday, December 5, 2009

പാലാ നാരായണന്‍നായര്‍ -അമൃതകല



(കവിത കേൾക്കാം )

(കവിത വായിക്കുക)
പാലാ നാരായണന്‍ നായര്‍ (1911 -2008)

കേരളീയ ഭാവങ്ങള്‍ നിറഞ്ഞുനിന്ന കവിതകളിലൂടെ മലയാള സാഹിത്യത്തെ പുഷ്കലമാക്കിയ മഹാകവിയായിരുന്നു പാലാ നാരായണന്‍ നായര്‍. അച്ഛന്‍‌ കീപ്പള്ളില്‍ ശങ്കരന്‍ നായര്‍‌ . അമ്മ പുലിയന്നൂര്‍ പുത്തൂര്‍ വീട്ടില്‍ പാര്‍‌വതിയമ്മ. കുടിപ്പള്ളിക്കൂടം അദ്ധ്യാപകനായിരുന്ന പിതാവില്‍ നിന്നും പ്രാഥമിക വിദ്യാഭ്യാസം . പാലാ വി. എം സ്കൂള്‍, സെന്റ് തോമസ് സ്കൂള്‍ എന്നിവിടങ്ങളില്‍ ഉപരി പഠനം .1956-ല്‍ കേരള സര്‍വകലാശാലയില്‍നിന്ന്‌ എം.എ റാങ്കോടെ പാസായി. അദ്ധ്യാപകനും, കണക്കെഴുത്തുകാരനും, പട്ടാളക്കാരനുമായി ജീവിച്ചു. രണ്ടാം ലോകമഹായുദ്ധത്തില്‍ പങ്കെടുത്തു. 1967 ല്‍തിരുവിതാംകൂര്‍ സര്‍വകലാശാലയില്‍ പ്രസിദ്ധീകരണ വിഭാഗത്തിലെ ഉദ്യോഗസ്ഥനായി. പൂഞ്ഞാര്‍‌ എസ് എം വി ഹൈസ്കൂള്‍‌, പാലാ അല്‍ഫോന്‍സ കോളേജ്, കൊട്ടിയം എന്‍‌ .എസ്‌.എസ്‌ കോളേജ് എന്നിവിടങ്ങളീല്‍‌ അദ്ധ്യാപകനായി ജോലിചെയ്തിട്ടുണ്ട് . ഭാര്യ പുത്തന്‍വീട്ടില്‍ സുഭദ്രക്കുട്ടിയമ്മ.

ആദ്യം പ്രസിദ്ധീകരിച്ച കവിത 'ആ നിഴല്‍' ആണ്‌; കവിയുടെ പതിനേഴാം വയസ്സില്‍. 1935ല്‍ ആദ്യസമാഹാരം 'പൂക്കള്‍'.

ജൂണ്‍ 11, 2008 നു അന്തരിച്ചു

കൃതികള്‍:

അമൃതകല,നിര്‍ദ്ധനന്‍‌ ,അടിമ, പടക്കളം,കേരളം വളരുന്നു,പൗര്‍‌ണ്ണമി, പാലാഴി, മേഘസഞ്ചാരം, സമരമുഖത്ത് ,ഗാന്ധിഭാരതം, അനന്തപുരി,സൂര്യഗായത്രി,

പുരസ്കാരങ്ങള്‍:

ക്ഷേത്ര പ്രവേശന വിളംബരത്തോടനുബന്ധിച്ചു നടത്തിയ കവിതാമത്സരത്തില്‍‌ ഒന്നാം സമ്മാനമായ സ്വര്‍ണ്ണമെഡല്‍ നേടി. കേരള സാഹിത്യ അക്കാദമി പുരസ്‌കാരം, പൂത്തേഴന്‍ സ്‌മാരക പുരസ്‌കാരം, എഴുത്തച്ഛന്‍ പുരസ്‌കാരം, ആശാന്‍ പുരസ്‌കാരം,വള്ളത്തോള്‍ പുരസ്കാരം കാളിദാസ പുരസ്കാരം മൂലൂര്‍ അവാര്‍‌ഡ് എന്നിവയും അദ്ദേഹത്തിന്‌ ലഭിച്ചിട്ടുണ്ട്‌. മലയാള കവിതയ്‌ക്ക്‌ നല്‍കിയ സമഗ്ര സംഭാവനയ്ക്ക്‌ 2002ലെ മാതൃഭൂമി പുരസ്കാരവും ലഭിച്ചു.1937-ല്‍ കവിതാ രചനയ്ക്ക്‌ സമസ്‌ത കേരള സാഹിത്യ പരിഷത്തില്‍നിന്ന്‌ കീര്‍ത്തിമുദ്ര ലഭിച്ചു. ഭോപ്പാല്‍ സാഹിത്യ സമ്മേളനത്തിന്റെ ഭാരത ഭാഷാ ഭൂഷണ്‍ ബഹുമതി, ആശാന്‍ പ്രൈസ്‌, ഓള്‍ ഇന്ത്യ റൈറ്റേഴ്‌സ്‌ ഫോറത്തിന്റെ താമ്രപത്രം തുടങ്ങിയവയും ലഭിച്ചിട്ടുണ്ട്‌.

(photo courtesy google)
ടെക്സ്റ്റ്‌:NBS ന്റെ കവിതയുടെ നൂറ്റാണ്ട്