അ വ ന വ നാ ത്മ സു ഖ ത്തി നാ ച രി ക്കു ന്ന വ...





Tuesday, September 22, 2009

ആര്‍‌ രാമചന്ദ്രന്‍‌ -പ്രലോഭനം

കവിത കേള്‍ക്കാം

(കവിത വായിക്കുക)


ആര്‍‌ രാമചന്ദ്രന്‍‌
(1923 - 2005)

1923 ല്‍ തൃശ്ശൂര്‍‌ ജില്ലയിലെ താമരത്തിരുത്തിയില്‍‌ ജനനം. പഴയ കൊച്ചിരാജ്യത്തില്‍‌ സ്കൂ‌ള്‍‌ വിദ്യാഭ്യാസത്തിനു ശേഷം എറണാകുളം മഹാരാജാസില്‍‌ കലാലയ വിദ്യാഭ്യാസം. മലബാര്‍‌ കൃസ്ത്യന്‍‌ കോളേജില്‍‌ മുപ്പതു വര്‍‌ഷക്കാലം മലയാളം അദ്ധ്യാപകനായിരുന്നു. മലയാളകവിതയിലെ നൂതനപ്രവണതകള്‍‌ക്ക് തുടക്കം കുറിച്ച കവികളില്‍‌ ഒരാള്‍‌. വളരെക്കുറച്ച് കവിതകള്‍‌ മാത്രമേ എഴുതിയിട്ടുള്ളൂ എങ്കിലും ഓരോ കവിതയും പുതിയ കാവ്യാനുഭവങ്ങള്‍‌ പകരുന്നതാണ്‌.
കൃതികള്‍‌ :മുരളി, സന്ധ്യാനികുഞ്ജങ്ങള്‍‌,ശ്യാമസുന്ദരി, പിന്നെ എന്തിനീ യാത്രകള്‍‌,ആര്‍‌ രാമചന്ദ്രന്റെ കൃതികള്‍‌
പുരസ്കാരങ്ങള്‍‌:കവിതയ്ക്ക് കേന്ദ്രസാഹിത്യ അക്കാദമി അവാര്‍‌ഡ് (2002)

Sunday, September 13, 2009

ബാലചന്ദ്രന്‍ ചുള്ളിക്കാട്- യാത്രാമൊഴി



കവിത കേള്‍ക്കുക
(കവിത വായിക്കുക )

കവിയുടെ ബ്ലോഗ് ഇവിടെ

1957 ജൂലൈ 30 ന് പറവൂരില്‍ ജനിച്ചു.എറണാകുളം മഹാരാജാസ് കോളേജില്‍ നിന്ന് ഇംഗ്ലീഷ് സാഹിത്യത്തില്‍ ബിരുദം നേടി.പല തൊഴിലുകള്‍ ചെയ്ത ശേഷം1987‌ല്‍‌ കേരള സര്‍ക്കാര്‍ സര്‍വ്വീസില്‍ ക്ലര്‍ക്കായി ജോലിയില്‍ പ്രവേശിച്ചു. 2000ല്‍ ബുദ്ധമതം സ്വീകരിച്ചു. ഇപ്പോൾ അഭിനയമാണു തൊഴിൽ.


ന്യൂഡല്‍ഹി, കല്‍ക്കട്ട, ലക്‍നൌ, അഗര്‍ത്തല, റൂര്‍ക്കേല, ബാംഗ്ലൂര്‍, ഭോപ്പാല്‍ എന്നിവിടങ്ങളില്‍ കഴിഞ്ഞ രണ്ടു ദശകങ്ങള്‍ക്കുള്ളില്‍ നടന്ന ദേശീയ സാഹിത്യസമ്മേളനങ്ങളില്‍ മലയാളകവിതയെ പ്രതിനിധീകരിച്ചു. 1994 സെപ്റ്റംബറില്‍ ആലുവയില്‍വച്ച് സാഹിത്യഅക്കാദമിയുടെയും 'സുരഭി'യുടെയും സംയുക്താഭിമുഖ്യത്തില്‍ 22 ഇന്ത്യന്‍ഭാഷകളിലെ 220 സാഹിത്യകാരന്‍മാരെ പങ്കെടുപ്പിച്ചുകൊണ്ട് നടത്തിയ 'മാനസോത്സവം' ദേശീയ സാഹിത്യസമ്മേളനത്തിന്റെ സ്വാഗതസംഘം കണ്‍വീനര്‍ . 1997 ഒക്ടോബര്‍ - നവംബറില്‍ സ്വീഡിഷ് സര്‍ക്കാരിന്റെയും സ്വീഡിഷ് റൈറ്റേഴ്സ് യൂണിയന്റെയും നോബല്‍ അക്കാദമിയുടെയും സംയുക്തക്ഷണമനുസരിച്ച് സ്വീഡന്‍ സന്ദര്‍ശിച്ച പത്തംഗ ഇന്ത്യന്‍സാഹിത്യകാരസംഘത്തില്‍ അംഗം. 1997 നവംബര്‍ ഒന്നിന് സ്വീഡനിലെ ഗോട്ടെന്‍ബര്‍ഗ് നഗരത്തില്‍ നടന്ന അന്താരാഷ്ട്രപുസ്തകോത്സവത്തോടനുബന്ധിച്ച് സാഹിത്യസമ്മേളനത്തില്‍ ഇന്ത്യന്‍ കവിതയെ പ്രതിനിധീകരിച്ചു. ഹിന്ദി, ബംഗാളി, മറാഠി, രാജസ്ഥാനി, അസമിയ, പഞ്ചാബി, കന്നഡ, തമിഴ്, തെലുങ്ക് എന്നീ ഇന്ത്യന്‍ ഭാഷകളിലേക്കും ഇംഗ്ലീഷ് , ഫ്രഞ്ച്, സ്പാനിഷ്, സ്വീഡിഷ് എന്നീ വിദേശഭാഷകളിലേക്കും കവിതകള്‍ തര്‍ജമ ചെയ്യപ്പെട്ടു .

കൃതികള്‍ : പതിനെട്ടു കവിതകള്‍ , അമാവാസി , ഗസല്‍ ,മാനസാന്തരം ,ഡ്രാക്കുള , ബാലചന്ദ്രന്‍ ചുള്ളിക്കാടിന്റെ കവിതകള്‍