'കാവ്യശ്രീ'- പാഠപുസ്തകത്തിലെ കവിതകളുടെ ആലാപനം

കൂട്ടുകാരെ,

കവിതകള്‍ ചൊല്ലിക്കേള്‍ക്കുന്നത് അവ മനസ്സിലുറയ്ക്കാന്‍ തീര്‍ച്ചയായും സഹായിക്കും
കവിത വായിക്കുക, ഉറക്കെചൊല്ലുക, കേൾക്കുക, ധ്യാനിക്കുക, ചർച്ചചെയ്യുക…കാവ്യസൌന്ദര്യം ആസ്വദിക്കാനുള്ള വഴികളാണിതെല്ലാം. . ഒരു കവിതയുടെ ശരിയായ ഈണം ആ കവിത ആസ്വദിക്കുന്നതിന്റെ ഭാഗമായി നമ്മുടെ മനസ്സിൽ തനിയെ ഉറവെടുക്കുന്ന ഒന്നാണ്‌. . ഈ ഉറവ എക്കാലവും നമ്മുടെ ഉള്ളിൽ ,നദി സമുദ്രത്തിലേക്കെന്നപോലെ നമ്മെ കാവ്യലോകത്തേക്ക് പ്രവഹിപ്പിക്കും.
കാവ്യം സുഗേയത്തിന്റെ ഈ പിരിവിനു കാവ്യശ്രീ എന്ന ലേബല്‍ നല്‍കിയിരിക്കുന്നു കവിതയിലേയ്ക്ക് വഴി തുറക്കുന്ന ഒരു ചെറുവാതിലാണ്‌ ഇതും. നിങ്ങളുടെ മലയാളം പാഠപുസ്തകത്തിലെ കവിതകളാണ്‌ കാവ്യശ്രീയില്‍ ആലപിയ്ക്കപ്പെടുന്നത് .പ്രയോജനപ്പെടുത്തുമല്ലോ

പ്രത്യേകം നന്ദി , രാമനുണ്ണിമാഷിന്‌
(ഈ ആശയം അദ്ദേഹത്തിന്റേതാണ്‌)

നാലാങ്കല്‍‌ കൃഷ്ണപിള്ള -എലിമാളങ്ങള്‍ - ആലാപനം

(കവിത കേൾക്കാം )

(കവിത വായിക്കാം )

നാലാങ്കല്‍‌ കൃഷ്ണപിള്ള (1910- 1991)

കോട്ടയത്തെ ഒളശ്ശയില്‍ ജനനം. അച്ഛന്‍‌ അറയ്ക്കല്‍ കേശവപിള്ള, അമ്മ നാലാങ്കല്‍‌ ജാനകിക്കുട്ടിയമ്മ. ഒളശ്ശയിലും കോട്ടയത്തുമായി സ്കൂള്‍‌ വിദ്യാഭ്യാസം. തിരുവനന്തപുരം ആര്‍ട്ട്സ് കോളേജ് ട്രെയിനിംങ് കോളേജ് എന്നിവിടങ്ങളീല്‍‌ നിന്നും പ്രശസ്തമായ നിലയില്‍‌ സ്വര്‍‌ണ്ണമെഡലോടെ എം. എ ,എല്‍.ടി ബിരുദങ്ങള്‍‌. അദ്ധ്യാപകനായി ജോലിയില്‍ പ്രവേശിച്ച അദ്ദേഹം റീജിയണല്‍‌ ഡെപ്യൂട്ടി ഡയറക്ടറായാണ്‌ ജോലിയില്‍‌ നിന്നും വിരമിച്ചത്.

ക്ഷേത്രചരിത്രകാരന്‍ എന്ന നിലയിലും പ്രശസ്തനാണ്‌ നാലാങ്കല്‍‌. ഗദ്യമായാലും പദ്യമായാലും സ്വച്ഛമായ ആഖ്യാനശൈലി കൊണ്ട് രചനാരംഗത്ത് അദ്ദേഹം വേറിട്ടു നില്‍‌ക്കുന്നു.

കൃതികള്‍‌: കൃഷ്ണതുളസി, ഡിസംബറിലെ മഞ്ഞുതുള്ളികള്‍‌, രാഗതരംഗം, ശോകമുദ്ര ,വസന്തകാന്തി, രത്നകങ്കണം, ആമ്പല്‍‌പൊയ്ക, പൂക്കൂട, പ്രിയദര്‍‌ശിനി, സൗഗന്ധികം, കസ്തൂരി , സിന്ദൂരരേഖ, ,ഉദയഗിരി ചുവന്നു .
മഹാക്ഷേത്രങ്ങള്‍‌ക്കു മുന്നില്‍ (ക്ഷേത്രചരിത്രം)
സര്‍ദാര്‍‌ പട്ടേല്‍‌, ജവഹര്‍‌ലാല്‍ നെഹ്രു, സ്റ്റാലിന്‍‌ ( ജീവചരിത്രങ്ങള്‍‌)

പുരസ്കാരങ്ങള്‍‌: കൃഷ്ണതുളസിയ്ക്ക് ഓടക്കുഴല്‍‌ അവാര്‍‌ഡ് (1976) ഡിസംബറിലെ മഞ്ഞുതുള്ളീകള്‍‌ക്ക് സാഹിത്യ അക്കാദമി അവാര്‍‌ഡ് (1980) ' മഹാക്ഷേത്രങ്ങള്‍‌ക്കുമുന്നില്‍‌' എന്ന കൃതിയ്ക്ക് തിരുവിതാകൂര്‍‌ദേവസ്വം ബോര്‍‌ഡിന്റെ വിശേഷപുരസ്കാരം

ഗാന്ധിസൂക്തങ്ങള്‍‌ -സിസ്റ്റര്‍ ‍മേരി ബനീഞ്ജ ‍‌

(കവിത വായിയ്ക്കാം )

(കവിത കേൾക്കാം )
 




സിസ്റ്റര്‍ മേരി ബനീഞ്ജ (1899 - 1985)

മേരി ജോണ്‍ തോട്ടം എന്ന പേരിലും അറിയപ്പെടുന്ന സിസ്റ്റര്‍ മേരി ബനീഞ്ജ എറണാകുളം ജില്ലയിലെ തോട്ടം കുടുംബത്തില്‍‌ ജനിച്ചു. അച്ഛന്‍‌ ഉലഹന്നാന്‍‌ അമ്മ മറിയാമ്മ. മാന്നാനം , മുത്തോലി കൊല്ലം എന്നിവിടങ്ങളിലായി വിദ്യാഭ്യാസം. സംസ്കൃതത്തിലും മലയാളത്തിലും ഒരുപോലെ പാണ്ഡിത്യം നേടിയ സിസ്റ്റര്‍‌ മേരി ബനീഞ്ജ വടക്കന്‍‌ പറവൂര്‍‌ സ്കൂളില്‍‌ അദ്ധ്യാപികയായി ജോലിയാരംഭിച്ചു. 1928 ല്‍ സന്യാസി സഭയില്‍‌ അംഗമായി.

പ്രധാന കൃതികള്‍‌ : ലോകമേ യാത്ര, ഗാന്ധിജയന്തി, മാര്‍ത്തോമ്മാവിജയം,കവിതാരാമം, വിധിവൈഭവം, മധുമഞ്ജരി, കവനമേള, അമൃതധാര, കരയുന്ന കവിതകള്‍‌, വാനമ്പാടി( ആത്മകഥ)

ബഹുമതി: 1981 ല്‍ മാര്‍പ്പാപ്പ 'ബേനേ മെരേന്തി ' നല്‍കി സാഹിത്യസേവനങ്ങളെ അംഗീകരിച്ചു.


Sister Mary Beninja ((1899 - 1985)
Born at Eranakulam district in Thottam Family. Father Ulahannan, mother Mariyamma . Did her education at Mannanam , Mutholi and Kollam. Started her career as a teacher in a school at NorthParur Eranakulam. she was a scholar in both in Malayalam and Sanskrit. Became nun in 1928.

Important Works : Lokame yathra, Gandhijayanthi marthommavijayam, kavitharamam, Vidhivaibhavan, Madhumanjari, kavanamela, amruthadhara,karayunna kavithakal, vanampadi( autobiography)

Awards: Pop awarded "Bene Merenthi' in 1981 as recognition for her literary works.