(Can't hear the poems? please download and install adobe flash player and firefox browser )


അ വ ന വ നാ ത്മ സു ഖ ത്തി നാ ച രി ക്കു ന്ന വ...





Monday, December 19, 2011

കണ്ണീര്‍പ്പാടം -വൈലോപ്പിള്ളി ശ്രീധരമേനോന്‍


(കവിത വായിക്കാം )



വൈലോപ്പിള്ളി ശ്രീധര മേനോന്‍: ജനനം: 11 മെയ്‌ 1911, കലൂരില്‍. മരണം: 22 ഡിസംബര്‍ 1985. ശ്രീ എന്ന തൂലികാനാമത്തില്‍ എഴുതി തുടങ്ങി. കന്നിക്കൊയ്ത്ത് ആദ്യ സമാഹാരം. മലയാള കവിതാലോകത്ത് ഭാവുകത്വ പരിണാമങ്ങള്‍ കൊണ്ട് വന്ന കൃതിയാണിത്. വിദ്യുത്ഭാവനയുടെ തേജോമയസ്പര്‍ശങ്ങള്‍ മലയാള കവിതാ ലോകം അറിയുകയായിരുന്നു കന്നിക്കൊയ്ത്തിലൂടെ. അതിനു ശേഷമുള്ള കവിതാസമാഹാരങ്ങള്‍ മലയാളിയുടെ കാവ്യ സങ്കല്പങ്ങളെ അടിമുടി ഉടച്ചു വാര്‍ക്കാന്‍ കെല്‍പ്പു കാട്ടിയവയായിരുന്നു. കുടിയൊഴിക്കലും മകരക്കൊയ്ത്തും
ഓണപ്പാട്ടുകാരും വിടയും ശ്രീരേഖയും ആലക്തികപ്രവാഹങ്ങളുടെ മഹാശേഷികള്‍ പ്രദര്‍ശിപ്പിച്ച കാവ്യസമാഹാരങ്ങളാണ്. ഇടശ്ശേരി, പി, ബാലാമണിയമ്മ തുടങ്ങിയവര്‍ക്കൊപ്പം മലയാളകവിതയില്‍ ആധുനിക ജീവിതപരിസരങ്ങളെ ആഴത്തിലും പരപ്പിലും കണ്ടെത്താന്‍ വൈലോപ്പിള്ളിയുമുണ്ടായിരുന്നു. മുന കൂര്‍ത്ത ഭാഷ കൊണ്ട് പ്രപഞ്ചത്തെയും സമൂഹത്തെയും ബന്ധങ്ങളെയും മനുഷ്യരെയും പിടിച്ചെടുക്കാന്‍ അദ്ദേഹം കാണിച്ച വാഗ്പാടവം ചെറുതല്ല. അനന്തതയെ ഒരു ബിന്ദുവിലേക്ക് കൊണ്ട് വരാനും ഒരു ബിന്ദുവേ പ്രപഞ്ചത്തോളം വിടര്‍ത്താനും അദ്ദേഹം വിരുതു കാണിച്ചു. ഒരു വാക്കില്‍ ഒരു ഋതുവേ തളയ്ക്കാന്‍ മാത്രം വാക്കുകളുടെ ആഴവും പരപ്പും പൊരുളും അദ്ദേഹം കണ്ടെടുത്തു. ഓരോ വാക്ക് കൊണ്ടും അധിനിവേശം തളര്‍ത്തിയ മഹാശേഷികളെ അദ്ദേഹം തൊട്ടറിഞ്ഞു. വാക്ക് വിടുര്‍ത്തിയ പൊരുളിലൂടെ ഒരുപാട് തവണ ഓണത്തിന്റെ രാഷ്ട്രീയാര്‍ത്ഥങ്ങളിലൂടെ അദ്ദേഹം അലഞ്ഞു.

പുരസ്കാരങ്ങള്‍:
മദിരാശി സര്‍ക്കാര്‍ പുരസ്കാരം,കേരള സാഹിത്യ അക്കാദമി അവാര്‍ഡ്‌ (1965),കേന്ദ്ര സാഹിത്യ അക്കാദമി അവാര്‍ഡ്‌ (1972),വയലാര്‍ അവാര്‍ഡ്‌ (1981),ഓടക്കുഴല്‍ അവാര്‍ഡ്‌
പ്രധാന കൃതികള്‍ :
കന്നിക്കൊയ്ത്ത് ,ശ്രീരേഖ ,ഓണപ്പാട്ടുകാര്‍,മകരക്കൊയ്ത്ത്,വിത്തും കൈക്കോട്ടും ,വിട ,കയ്പ്പ വല്ലരി , കടല്‍ക്കാക്കകള്‍,കുരുവികള്‍,കുടിയൊഴിക്കല്‍ ചരിത്രത്തിലെ ചാരുദൃശ്യം ,അന്തി ചായുന്നു,കുന്നിമണികള്‍,കാവ്യലോകസ്മരണകള്‍
കുറിപ്പ്: പി എസ് മനോജ്കുമാര്‍

8 comments:

  1. good attempt and good naratation abt him

    ReplyDelete
  2. കേട്ടില്ല കേട്ടതിനു ശേഷം അഭിപ്രായം പറയാം..

    ReplyDelete
  3. ഈ ആലാപനവും ഉഗ്രൻ..
    ഒപ്പമുള്ള വിശകലനവും..

    ReplyDelete
  4. നന്നായി ആസ്വദിച്ച് .
    ഇപ്രാവിശ്യം ചൊല്ലലിനു അല്പം സ്പീഡ് കൂടിയോ എന്നരു തോന്നൽ..എന്നാലും മനോഹരം
    നന്ദിയോടെ

    ReplyDelete
  5. മലയാളത്തിലെ സമാനതകളില്ലാത്ത ഈ ഗംഭീരകൃതി മനോഹരമായി ചൊല്ലി തന്നതിന് വളരെ വളരെ നന്ദി.

    ReplyDelete
  6. Manoharamaya e kanneerepadam patt cholli thannathinne valara nanni

    ReplyDelete
  7. വായിച്ചു പഠിച്ചപ്പോള്‍ ഈകവിതയ്ക്കിത്രയും സൌന്ദര്യം ഉണ്ടെന്നു മനസ്സിലായിരുന്നില്ല! കണ്ണടച്ചിരുന്നു കേട്ടാല്‍ നമ്മള്‍ പാടത്തും ക്ഷേത്രത്തിലും പോയ്‌വരും.

    ReplyDelete
  8. പാടലില്‍ കണ്ണീര്‍ ഒഴുകുന്നില്ല. എങ്കിലും അതവിടെയുണ്ട്, ആ പാടത്ത്.

    ReplyDelete