പൂക്കാലം_കുമാരനാശാന്‍

മേഘസന്ദേശം / തിരുനല്ലൂർ കരുണാകരൻ

കുട്ടിയും തള്ളയും കുമാരനാശാൻ

അക്കിത്തം- ഇരുപതാം നൂറ്റാണ്ടിൻറെ ഇതിഹാസം

പിറന്നാൾ ദിന പ്രത്യേക പോസ്റ്റ്

.

.പ്രിയപ്പെട്ടവരേ. 
എല്ലാവര്ക്കും പുതുവർഷാശംസകൾ നേരുന്നതോടൊപ്പം ഒരു സന്തോഷം പങ്കുവെയ്ക്കട്ടെ. 'കാവ്യം സുഗേയം ' എന്ന കാവ്യാലാപന ബ്ലോഗ് അതിന്റെ പത്താം വര്ഷത്തിലേയ്ക് കടക്കുകയാണ്. വായിച്ചിഷ്ടപ്പെട്ട കവിതകൾ സമാനഹൃദയർക്കായി പങ്കുവെയ്ക്കാൻ ഒരിടം എന്ന ഉദ്ദ്യേശ ത്തിൽ തുടങ്ങി കാലക്രമേണ  കൂട്ടിച്ചേർക്കലുകൾ നടത്തി ഇപ്പോൾ പത്താം വര്ഷത്തിലെത്തി നിന്ന് തിരിഞ്ഞു നോക്കുമ്പോൾ ആദ്യം സ്വയം ഒന്ന് പുറത്തു തട്ടുന്നു . കാരണം 'ആരംഭശൂരത്വത്തിന്റെത്വത്തിന്റെ ആൾ '  എന്ന് സ്വയം തിരിച്ചറിയുന്ന ഒരുവൾക്കു ഇത്രയും ദൂരം ഒരൊറ്റ ശബ്ദത്തിൽ എത്താൻ   കഴിയും എന്ന പ്രതീക്ഷ   സ്വപ് നങ്ങളിൽപ്പോലും  ഇല്ലായിരുന്നു എന്നത് തന്നെ. ഒരുപാടുപേരുടെ സ്നേഹാനുഗ്രഹ സ്പര്ശങ്ങൾ നന്ദിപൂർവം സ്മരിക്കുന്നു. 'കാവ്യം സുഗേയ'ത്തിന്റെ ബ്ലോഗ്ഗർ എന്ന പേരിൽ കിട്ടിയ അംഗീകാരങ്ങളിൽ ,,പരിഗണനകളിൽ, സൗഹൃദങ്ങളിൽ അഭിമാനിക്കുന്നു. അഭിനന്ദിച്ചവരെയും     ഉപദേശങ്ങൾ തന്ന വരെയും  അതികഠിനമായിവിമർശിച്ചവരെയും കവിതയ്ക്കു ചെവിനൽകിയ  ഓരോരുത്തരെയും മനസാ നമിക്കുന്നു. കടന്നുപോയവരും ജീവിച്ചിരിക്കുന്നവരുമായ കവികൾക്കു നന്ദിയും പ്രണാമവും..ഒന്നല്ലെങ്കിൽ മറ്റൊരു തരത്തിൽ ബ്ലോഗിന്റെ പ്രവർത്തനത്തിൽ സഹായിച്ച സുഹൃത്തുക്കൾ , അവരുടെ പേരെടുത്തു പറഞ്ഞാൽ തീരില്ല - എല്ലാവരെയും ഓർക്കുന്നു . ... എല്ലാവര്ക്കും നന്ദി.

വിവാഹസമ്മാനം .-ഇടശ്ശേരി

തച്ചൻ മകളോട്-വി എം ഗിരിജ-

1961-ൽ ഷൊർണൂരിനടുത്തുള്ള പരുത്തിപ്രയിൽ‌‍ ജനിച്ചു.അച്ഛൻ:വടക്കേപ്പാട്ടു മനയ്ക്കൽ വാസുദേവൻ നമ്പൂതിരിപ്പാട്  അമ്മ:ഗൗരി അന്തർജ്ജനം  . വിദ്യാര്‍ത്ഥിയായിരുന്ന കാലം തൊട്ടുതന്നെ കവിതകള്‍ എഴുതിയിരുന്നു. പട്ടാമ്പി സംസ്കൃത കോളേജിൽനിന്ന് എം എ മലയാളം ഒന്നാം റാങ്കോടെ പാസായി. 1983 മുതല്‍ ആകാശവാണിയില്‍ ജോലി ചെയ്യുന്നു. ഇപ്പോള്‍ കൊച്ചി എഫ് എം നിലയത്തില്‍ പ്രോഗ്രാം അനൗണ്‍സര്‍.ഭർത്താവ്:സി.ആർ. നീലകണ്ഠൻ മക്കൾ:ആർദ്ര, ആർച്ച.

കൃതികൾ
പ്രണയം ഒരാൽബം  (കവിതാ സമാഹാരം)
പ്രണയം ഒരാൽബം  പ്രേം ഏൿ ആൽബം എന്ന പേരിൽ ഹിന്ദിയിലേക്ക് വിവർത്തനംചെയ്യപ്പെട്ടിട്ടുണ്ട്
ജീവജലം (കവിതാ സമാഹാരം)
പാവയൂണ്  (കുട്ടികള്‍ക്കുള്ള കവിതകള്‍)
പെണ്ണുങ്ങള്‍ കാണാത്ത പാതിരാ നേരങ്ങള്‍ (കവിതാ സമാഹാരം)
ഇരുപക്ഷംപെടുമിന്ദുവല്ല ഞാൻ
ഒരിടത്തൊരിടത്ത് (കുട്ടികള്‍ക്കുള്ള നാടോടി കഥകള്‍)

സച്ചിദാനന്ദൻ കവിതകൾ

എഴുത്തച്ഛൻ പുരസ്കാരലബ്ധിയിൽ പ്രിയകവിയ്ക്ക് കാവ്യം സുഗേയത്തിന്റെ അഭിനന്ദനം.
ഇവിടെ ആലപിച്ച അദ്ദേഹത്തിന്റെ കവിതകൾ അദ്ദേഹത്തിന് സമർപ്പിക്കുന്നു

സ്നേഹാദരങ്ങളോടെ...

• സച്ചിദാനന്ദന്‍ -മലയാളം( Xth std new)
• സച്ചിദാനന്ദന്‍-അക്ക മൊഴിയുന്നു
• സച്ചിദാനന്ദന്‍‍‌(10TH STD)-ഗാന്ധിയും കവിതയും
• സച്ചിദാനന്ദൻ(6TH STD)-ഹരിതം
• സച്ചിദാനന്ദന്‍ -പര്യായങ്ങള്‍ 
• സച്ചിദാന്ദൻ - ഇവനെക്കൂടി 
• സച്ചിദാനന്ദൻ -മഹാബലി അവശിഷ്ടങ്ങളിലൂടെ  നടക്കുന്നു 
• സച്ചിദാനന്ദൻ -എഴുത്തച്ഛനെഴുതുമ്പോൾ (VII th Std New  2014)
• സച്ചിദാനന്ദൻ-വേഗമുറങ്ങൂ (VI New

തച്ചന്റെ മകൾ വിജയലക്ഷ്മി

എഴുതാനാവാതെ -ശാന്തി ജയ

ശാന്തി ജയകുമാർ

ആലപ്പുഴ സ്വദേശിയാണ്. കെ. ജയകുമാറിന്റെയും ജയശ്രീയുടെയും മകൾ. ആലപ്പുഴ മെഡിക്കൽ കോളേജിൽ നിന്ന് എം.ബി.ബി.എസ് ബിരുദം നേടി. തുറവൂർ താലൂക്ക് ആശുപത്രിയിലെ ഡോക്ടറാണ്. സ്‌കൂൾവിദ്യാർഥിയായിരിക്കുമ്പോൾ മുതൽ കവിതയെഴുതാറുണ്ട്. 2013 ഡിസംബറിൽ ആദ്യ സമാഹാരം 'ഈർപ്പം നിറഞ്ഞ മുറികൾ' ഡി.സി. ബുക്സ് പ്രസിദ്ധീകരിച്ചു. . ചില കവിതകളിൽ തിരുത്തുവേണമെന്നും പല കവിതകളും ഒഴിവാക്കാമായിരുന്നെന്നും തോന്നിയതിനെത്തുടർന്ന്, 2014 ഒക്ടോബറിൽ പുസ്തകം പിൻവലിച്ചു. 
കൂടുതൽ അറിയുക ..

എഴുതാനാവാതെ

--------------------------

മരംപിളര്‍ക്കുന്നമഴയിലിന്നലെ

പുറത്ത് 

പാതിരാവലറിപ്പെയ്യുമ്പോള്‍

പുരയ്ക്കകത്തിരുന്നൊരിറ്റു കണ്ണീരില്‍

കലര്‍ത്തിയാരാരുമറിയാതൊറ്റയ്ക്ക്

മനഃസുഖംതരും 

ദ്രവം നുകര്‍ന്നേതോ

മെരുക്കമില്ലാത്ത

*ഹിമക്കുറുക്കന്‍റെ

തണുത്ത ദംഷ്ട്രയില്‍

കൊരുത്തെടുക്കപ്പെട്ടതിന്‍ 

ലഹരിയില്‍

സിരകളില്‍ ചോര

കനലാളുന്നതും

മുറിവില്‍ നിന്ന് 

പാല്‍നിലാവൊലിപ്പതും

മൃഗരസങ്ങളെ

മൃദുലമാക്കുന്ന-

വനവിദൂരത രഹസ്യത്തില്‍ കേട്ട്

കുളിരുകോരുന്ന-

മരണമോരിയിട്ടരികില്‍ നില്‍പ്പതും

മറന്നാനന്ദത്താല്‍

കെണിയില്‍ നിന്നുടല്‍ കുടഞ്ഞെറിഞ്ഞെങ്ങോ

പറന്ന പ്രാണനെ 

തൊടാതെതൊട്ടിട്ടും

ഒരു വരിപോലുമെഴുതാനാവാതെ

കവിതകൊണ്ടുയിരൊഴുക്ക് 

താണ്ടാതെ

മൊഴിവഴങ്ങാതെ

മനമടങ്ങാതെ

മദിര, ദാഹത്താല്‍,

മതിയാകാതെ ഞാന്‍

മയങ്ങിവീണു പോയ്

_Klakaumudi weekly september 2017)

തച്ചന്റെ മകൻ -വൈലോപ്പിള്ളി ശ്രീധരമേനോൻ

അങ്ങേ വീട്ടിലേയ്ക്ക് -ഇടശ്ശേരി ഗോവിന്ദൻ നായർ

അനുകമ്പാദശകം-ശ്രീനാരായണഗുരു

മഗ്‌ദലന മറിയം -വള്ളത്തോൾ നാരായണമേനോൻ

സാഗരഗീതം=ജി ശങ്കരക്കുറുപ്പ്

വനാന്തരം-വി ടി ജയദേവൻ

<

വിനതാഗർഭം എൻ എൻ കക്കാട്

വഴിവെട്ടുന്നവരോട് എന്‍ എന്‍ കക്കാട്

പകലുകള്‍ രാത്രികള്‍-അയ്യപ്പപ്പണിക്കര്‍-

അയ്യപ്പപണിക്കർ 

1930 സെപ്റ്റംബർ 12നു ആലപ്പുഴ ജില്ലയിലെ കുട്ടനാട് താലൂക്കിൽ കാവാലം കരയിലായിരുന്നു അയ്യപ്പപ്പണിക്കരുടെ ജനനം. അച്ഛൻ ഇ.നാരായണൻ നമ്പൂതിരി; അമ്മ എം. മീനാക്ഷിയമ്മ. കാവാലം ഗവൺമെന്റ് പ്രൈമറി സ്കൂൾ, എൻ.എസ്.എസ്. മിഡിൽ സ്കൂൾ, മങ്കൊമ്പ് അവിട്ടം തിരുനാൾ ഹൈസ്കൂൾ, പുളിങ്കുന്ന് സെന്റ് ജോസഫ്സ് ഹൈസ്കൂൾ എന്നിവിടങ്ങളിലായി സ്കൂൾ വിദ്യാഭ്യാസം പൂർത്തിയാക്കി. കോഴിക്കോട് മലബാർ ക്രിസ്ത്യൻ കോളജിലായിരുന്നു ബിരുദ പഠനം.

അമേരിക്കയിലെ ഇൻഡ്യാന സർവകലാശാലയിൽ നിന്ന് എം.എ., പി‌എച്ച്.ഡി. ബിരുദങ്ങൾ നേടി. കോട്ടയം സി.എം.എസ്. കോളജിൽ ഒരു വർഷത്തെ അദ്ധ്യാപകവൃത്തിക്കുശേഷം 1952-ൽ തിരുവനന്തപുരം എം.ജി. കോളജിലെത്തി. ദീർഘകാലം ഇവിടെയായിരുന്നു അധ്യാപന ജീവിതം. പിന്നീട് കേരള സർവകലാശാലയുടെ ഇംഗ്ലീഷ് വിഭാഗം മേധാവിയായും പ്രവർത്തിച്ചു.

ക

ആധുനികതയെ മലയാള സാഹിത്യലോകത്തിനു പരിചയപ്പെടുത്തിക്കൊടുത്തയാൾ എന്ന നിലയിലാണ് അയ്യപ്പപ്പണിക്കർ അറിയപ്പെടുന്നത്. നിരന്തരമായ നവീകരണത്തിലൂടെ അദ്ദേഹം മലയാള കവിതയെ ലോകശ്രദ്ധയിലേക്കു നയിച്ചു. ഒട്ടേറെ വിശ്വസാഹിത്യ സമ്മേളനങ്ങളിൽ മലയാളത്തെ പ്രതിനിധീകരിച്ച അദ്ദേഹം മലയാള സാഹിത്യത്തിന്റെ ആഗോള പതിപ്പായിരുന്നു. പ്രഗല്ഭനായ അദ്ധ്യാപകൻ, വിമർശകൻ, ഭാഷാപണ്ഡിതൻ എന്നീ നിലകളിലും ശ്രദ്ധേയനായിരുന്നു. നാടകം, ചിത്രരചന, സിനിമ തുടങ്ങിയ മാധ്യമങ്ങളിലും സാന്നിധ്യമറിയിച്ചിരുന്നു

അയ്യപ്പപ്പണിക്കരുടെ പ്രധാന കൃതികൾ 

കുരുക്ഷേത്രം

അയ്യപ്പപ്പണിക്കരുടെ ലേഖനങ്ങൾ (രണ്ടു ഭാഗം)

തകഴി ശിവശങ്കരപ്പിള്ള (ജീവചരിത്രം)

കാർട്ടൂൺ കഥകളും മഹാരാജ കഥകളും

10 കവിതകളും പഠനങ്ങളും

പൂക്കാതിരിക്കാൻ എനിക്കാവതില്ല

ഗോത്രയാനം

പൂച്ചയും ഷേക്സ്പിയറും (വിവർത്തനം)

ജീബാനന്ദദാസ്

മയക്കോവ്സ്കിയുടെ കവിതകൾ (വിവർത്തനം)

സൗത്ത് ബൌണ്ട് (ഇംഗ്ലീഷ് കവിതകൾ)

ഇൻ ദ് സേക്രഡ് നേവൽ ഓഫ് ഔർ ഡ്രീം (ഇംഗ്ലീഷ്)

ഐ കാണ്ട് ഹെല്പ് ബ്ലോസ്സമിങ് (ഇംഗ്ലീഷ്)

ക്യൂബൻ കവിതകൾ

ഗുരുഗ്രന്ഥസാഹിബ്

ഹേ ഗഗാറിൻ 

കുടുംബപുരാണം

മൃത്യുപൂജ

അയ്യപ്പപ്പണിക്കരുടെ കൃതികൾ (നാലു ഭാഗം)

സരസ്വതി സമ്മാൻ, കേന്ദ്ര സാഹിത്യ അക്കാദമിയുടെ കാവ്യ പുരസ്കാരം, കവിതയ്ക്കും നിരൂപണത്തിനുമുള്ള കേരള സാഹിത്യ അക്കാദമി അവാർഡുകൾ, ആശാൻ പ്രൈസ്, മഹാകവി പന്തളം കേരളവർമ്മ പുരസ്കാരം, ഒറീസ്സയിൽനിന്നുള്ള ഗംഗാധർ മെഹർ അവാർഡ്, മധ്യപ്രദേശിൽ നിന്നുള്ള കബീർ പുരസ്കാരം, ഭാരതീയ ഭാഷാ പരിഷത്തിന്റെ ഭിൽ‌വാര പുരസ്കാരം, എന്നിവയുൾപ്പെടെ പല പുരസ്കാരങ്ങളും അദ്ദേഹത്തിന് ലഭിച്ചു. വയലാർ അവാർഡ് നിരസിച്ചു.

2006 ഓഗസ്റ്റ്‌ 23-ആം തീയതി  അദ്ദേഹം അന്തരിച്ചു.

ചണ്ഡാലഭിക്ഷുകി -കുമാരനാശാൻ

ഈ കവിതയിലേയ്ക്കുള്ള വിക്കിപീഡിയ ലിങ്കുകൾ

1 കവിതയെക്കുറിച്ച് 
2  കവിതയുടെ  വരികൾ 
3  , കുമാരനാശാൻ 

കുടിയൊഴിക്കല്‍-വൈലോപ്പിള്ളി ശ്രീധരമേനോൻ

പെണ്ണും പുലിയും - വൈലോപ്പിള്ളി ശ്രീധരമേനോൻ

'മാപ്പു തരേണം' പെൺപുലി ചൊല്ലീ
മാനുഷനുണ്ടോ വാത്സല്യം ?
തങ്ങളിലിഷ്ടം ചേരാത്തവരോ
ഞങ്ങളിലിഷ്ടം കാണിപ്പൂ' ?!

രാമായണം കുറത്തിപ്പാട്ട്

രാമായണം കുറത്തിപ്പാട്ട് കഴിഞ്ഞ സെപ്‌തംബറിൽ  മലയാളനാട് വെബ് മാഗസിന് നുവേണ്ടി ചെയ്തതാണ് .
ഇൻഡ്യൻ സംസ്കാരത്തിന്റെ തന്നെ ബഹുസ്വരതയുടെ അടയാളമായി
ഇൻഡ്യൻ ജനതയുടെ പൊതു പൈതൃകമായ രാമായണ ഭാരതാദി ഇതിഹാസങ്ങളുമായി ബന്ധപ്പെട്ട് നൂറ്റാണ്ടുകളായി  നിലനിൽക്കുന്ന  വിവിധങ്ങളായ പാഠങ്ങളെ  പരിചയപ്പെടുത്തുകയും  ഒപ്പം ഈ   ബഹുസ്വരതയെ നിശ്ശബ്ദമാക്കുന്ന സാംസ്കാരിക ഫാസിസത്തിനെതിരെ , ചരിത്രത്തിൽ  പലകാലങ്ങളിലുണ്ടായ വ്യത്യസ്തമായ രാമായണപാഠങ്ങൾ ഉറക്കെ വായിച്ചുകൊണ്ട്    സർഗാത്മകമായിത്തന്നെ  പ്രതിഷേധിക്കുകയുമായിരുന്നു    മലയാളനാട്'.  കുറത്തിപ്പാട്ടു പാടിയ നീതിവേണുഗോപാലിനും പശ്ചാത്തലസംഗീതം ചെയ്തMurali Pariyaadath  നും രാമായണം കുറത്തിപ്പാട്ടിന്റെ വരികൾ അയച്ചുതന്ന Sony Jose Velukkaran   നും   കാവ്യംസുഗേയത്തിന്റെ നന്ദി .

അദ്ധ്യാത്മരാമായണം കിളിപ്പാട്ട് -Adhyathmaramayanam_Kavyam Sugeyam videos

വിൽക്കുന്നില്ലിവിടം -കാവാലം നാരായണപ്പണിക്കർ

കാവാലം നാരായണപ്പണിക്കർ (1928 ഏപ്രിൽ  -2016 ജൂൺ 26 )

മലയാളത്തിലെ ആധുനികനാടകവേദിയെ നവീകരിച്ച നാടകാചാര്യനും കവിയുമായിരുന്നു  കാവാലം നാരായണപണിക്കർ‍.  ആലപ്പുഴ ജില്ലയിലെ‍ കുട്ടനാട്ടിലെ ചാലയിൽ കുടുംബത്തിൽ ജനനം .   അച്ഛൻ ഗോദവർമ്മ അമ്മ കുഞ്ഞുലക്ഷ്മി അമ്മ. സർദാർ കെ.എം. പണിക്കർ കാവാലത്തിന്റെ അമ്മാവനാണ്‌. കർമ്മരംഗമായി ആദ്യം അഭിഭാഷകവൃത്തി സ്വീകരിച്ചെങ്കിലും പിന്നീട്‌ വഴിമാറി നാടകത്തിലേക്കെത്തിച്ചേർന്നു. കുട്ടിക്കാലം മുതൽ സംഗീതത്തിലും നാടൻകലകളിലും തല്പരനായിരുന്നു

കേരള സംഗീതനാടക അക്കാദമിയുടെ അദ്ധ്യക്ഷനായും സേവനമനുഷ്ഠിച്ചിട്ടുണ്ട്. 1

പരമ്പരാഗത ശൈലി പിന്തുടരുന്ന തനതു നാടകങ്ങൾ അവതരിപ്പിക്കുന്നതിനായി ;തിരുവരങ്ങ് എന്ന നാടകസംഘടനയും നാടകശിക്ഷണം ,നാടകാവതരണം , കലാഗവേഷണം ,

;സോപാനം ; ഇൻസ്റിറ്റ്യൂട്ടും  സ്ഥാപിച്ചു .എന്നിവയ്ക്കായി .എൻ. ശ്രീകണ്ഠൻ നായരുടെ തനതുനാടകവേദി എന്ന ആശയത്തിന്‌ ഒരു അവതരണ സമ്പ്രദായം എന്ന നിലയിൽ ജീവൻ നൽകിയത്‌ കാവാലമാണ്‌.  തനത് എന്ന വാക്കിന് പ്രാദേശികസാംസ്കാരിക പൈതൃകം എന്നാണ് വിവക്ഷ. കേരളത്തിന്റെ സമ്പന്നമായ രംഗകലാപാരമ്പര്യത്തിൽ നിന്ന് ഊർജ്ജം കൈവരിച്ച് വളരുന്ന ഒരു നാടകവേദി എങ്ങനെ യാഥാർത്ഥ്യമാക്കാം എന്നാണ് തനതുനാടകവേദിയുടെ അന്വേഷണം.

നാടോടിക്കലകളുടെ സ്വീകാര്യമായ അംശങ്ങൾ സംയോജിപ്പിച്ച്‌, നൃത്തം, ഗീതം, വാദ്യം എന്നിവയിൽ അധിഷ്ഠിതമായ തൗര്യത്രിക രംഗാവതരണരീതിയാണ് കാവാലം നാരായണപണിക്കർ തന്റെ നാടകങ്ങളിൽ പ്രയോഗിച്ചത്.  തികച്ചും ശൈലീകൃതമായ രംഗാവതരണരീതി കേരളത്തിൽ വേരുറയ്ക്കുന്നത് കാവാലത്തിന്റെ നാടകാവതരണങ്ങളിലൂടെയാണ്.

കൃതികൾ 

കവിത {കവിതാസമാഹാരം )

സാക്ഷി (1968),തിരുവാഴിത്താൻ (1969,)ജാബാലാ സത്യകാമൻ (1970),ദൈവത്താർ (1976),അവനവൻ കടമ്പ (1978)

കരിംകുട്ടി (1985),നാടകചക്രം (1979) ഏകാങ്കനാടകങ്ങളുടെ സമാഹാരം,കൈക്കുറ്റപ്പാട് (1993),ഒറ്റയാൻ (1980)

(നാടകങ്ങൾ)

ഭാസഭാരതം (1987) ഭാസന്റെ അഞ്ച് സംസ്കൃതനാടങ്ങളുടെ (ഊരുഭംഗം ,ദൂതഘടോൽഖജം, മദ്ധ്യമവ്യായോഗം, ദൂതവാക്യം, കർണ്ണഭാരം) വിവർത്തനം,ഭഗവദജ്ജുകം (ബോധായനന്റെ സംസ്ക്രതനാടകത്തിന്റെ വിവർത്തനം)

മത്തവിലാസം (മഹേന്ദ്രവിക്രമ വർമ്മന്റെ സംസ്കൃതനാടകത്തിന്റെ വിവർത്തനം),ട്രോജൻ സ്ത്രീകൾ (സാർത്രിന്റെ ഫ്രഞ്ച് നാടകം).ഒരു മദ്ധ്യവേനൽ രാക്കനവ് (ഷേൿസ്പിയർ നാടകം),കൊടുങ്കാറ്റ് (ഷേക്സ്പിയർ നാടകം).(നാടകവിവർത്തനങ്ങൾ}

പുരസ്കാരങ്ങൾ

കേരള സാഹിത്യ അക്കാദമിയുടെ വിശിഷ്ടാംഗത്വം - 2014 [8]

പത്മഭൂഷൺ 2007 [9]

വള്ളത്തോൾ പുരസ്കാരം 2009 ജീവചരിത്രങ്ങൾ